Шалқар: Әйел жамағатына ақпараттық-түсіндіру жұмыстары жүргізілді 2150

Шалқар: Әйел жамағатына ақпараттық-түсіндіру жұмыстары жүргізілді

01 қазан 2022 176 Оқу 1 минут

Ақтөбе облысының Бас имамы Серікжан Еншібайұлының бастамасымен өңірдегі діни тұрақтылықты сақтау мақсатында ұйымдастырылған «Көшпелі уағыз-насихат» жобасы аясында Шалқар ауданындағы әйел-жамағатына ақпараттық-түсіндіру жұмыстары жүргізілді. 

Аталған іс-сапар барысында Ақтөбе облысы өкілдігі «Әйел-қыздар» секторының жетекшісі Кенжегүл Кушкарова, республикалық «Мұнара тв» телеарнасының тілшісі, облыстық орталық «Нұр Ғасыр» мешітінің Баспасөз хатшысы Ақтолқын Тажикова «Балалар жылы» мен «Ислам – ынтымақ пен бірлік діні» жылы аясында әйел жамағатымен кездесті.

Кездесу барысында журналист Ақтолқын Орысбайқызы «Ғаламтор және бала» тақырыбында баяндама жасады. Ал сектор жетекшісі Кенжегүл Кушкарова бала тәрбиесіндегі ата-әженің рөліне тоқталды. Сонымен қатар спикерлер жамағат арасындағы ынтымақ, туысқанмен қарым-қатынасты нығайту мәселері, жат ағымнан сақтану жолдарына да тоқталды.

Шара қортындысында сектор жетекшісі ақ жаулықты аналарды 1 қазан – Халықаралық қарттар күнімен құттықтады.

Одан өзге спикерлер Шалқар ауданындағы ұстаздардың ұйымдастыруымен қарттар күніне орай өткен әжелердің білім сайысында әділқазы болды.

Айта кетсек, 2 күндік іс-сапар барысында әйел жамағатына 5 шара ұйымдастырылып, 85 адамға ақпараттық-түсіндіру жұмыстары жүргізілді.

Қыз-келіншектер «Көшпелі уағыз-насихат» жобасын ұйымдастырушыларға алғысын айтып, әйел жамағатының атынан ақ батасын берді.


Ақтөбе облыстық орталық 

«Нұр Ғасыр» мешітінің баспасөз қызметі