Әйел жамағатына «Ислам – ынтымақ пен бірлік діні» аясында насихат айтылды
Қасиетті жұма күні облыстық «Нұр Ғасыр» мешітінде Байғанин ауданынан келген әйел жамағатына ұстаздардар «Ислам діні – ынтымақ пен бірлік діні» аясында насихат айтты.
Кездесу барысында ҚМДБ Ақтөбе облысы өкілдігіндегі «Әйел-қыздар» секторының жетекшісі Кенжегүл Кушкаорова, облыстық «Нұр Ғасыр» мешітінің ұстаздары Айнұр Мырзабаева, Ардақ Бағдалқызы, Гүлмайра Тұрлыбекова әйелдің қоғамдағы орны, бала тәрбиесі, білім алу т.б тақырыптарда уағыз-насихат айтып, жамағат тарапынан қойылған сұрақтарға тұщымды жауап берілді.
Аталған шара дін мен дәстүр сабақтастығын түсіндіру мақсатында Руханият музейінде экскурсиямен жалғасын тапты. Одан өзге шараға қатысқан 17 қыз-келіншекке хадия ретінде ҚМДБ-ның төл баспасөзі «Мұнара» газеті мен «Иман» журналы табыс етілді.
Ақтөбе облыстық орталық
«Нұр Ғасыр» мешітінің баспасөз қызметі
