Бозойда ақпараттық-түсіндіру жұмыстары жүргізілді
Шалқар ауданында өткен «Көшпелі уағыз-насихат» жобасы аясында Ақтөбе қаласы, «Бақытжан» мешітінің Бас имамы Ержан Мизамов Бозой ауылында насихат жұмыстарын жалғастырды.
Ауылдық «Аманғали ахун Итесұлы» мешітінде жұма намазын жүргізіп, «Салауат айтудың артықшылығы» тақырыбында жамағатқа уағыз-насихат айтты.
Сондай-ақ ауыл әкімі Жасұлан Арышұлымен кездесіп, ауылдағы діни ахуалмен танысты. Одан өзге Бозой орта мектебінде жоғарғы сынып оқушыларымен жүздесіп, «Ислам – ынтымақ пен бірлік діні» тақырыбында ақпараттық - түсіндіру жұмысын жүргізді.
Одан өзге 1 қазан – Халықаралық қарттар күніне орай ұйымдастырылған шарада «Дін мен дәстүр» тақырыбында насихат айтып, ауыл ақсақалдарын мерекемен құттықтады.
Ақтөбе облыстық орталық
«Нұр Ғасыр» мешітінің баспасөз қызметі
