#Рамазан2026: Қарғалыда «Тегін такси» акциясы ұйымдастырылды
ҚМДБ Ақтөбе облысы өкілдігінде ҚМДБ төрағасы, Бас мүфти Наурызбай қажы Тағанұлы бекіткен Рамазан айының жоспарына сәйкес Қарғалы ауданында «Ас-Самиғ» мешіті мен «Барыс» такси паркінің ұйымдастыруымен «Тегін такси» акциясы ұйымдастырылды.
Игі шара аясында ауыл арасындағы тұрғындарға арнайы тегін такси қызметі көрсетіліп, олар ауыл ішіндегі қажетті бағыттарына ақысыз жеткізілді.
Бұл бастама – Рамазан айындағы сауапты істерді арттыру, халыққа жанашырлық таныту және қоғамда мейірімділік пен өзара көмекті нығайту мақсатында жүзеге асырылды.
Шараның басты мақсаты – Рамазан айының рухани мәнін дәріптеу, халықтың алғысын алу, мұқтаж жандарға қолдау көрсету және ізгілік пен жанашырлық құндылықтарын насихаттау деді имамдар.
Тұрғындар Бас мүфти Наурызбай қажы Тағанұлы мен имамдарға алғысын білдірді.
Ақтөбе облыстық орталық
«Нұр Ғасыр» мешітінің бас имамы
