АҚТӨБЕ: ҚАЛА МЕШІТТЕРІНДЕ «АДАЛ ЕҢБЕК – БЕРЕКЕ КІЛТІ» АТТЫ ЖҰМА УАҒЫЗ-НАСИХАТЫ ЖҮРГІЗІЛДІ
Қазақстан мұсылмандары діни басқармасының Ақтөбе қаласы бойынша ұйымдастыруымен «Көшпелі уағыз-насихат керуені» аясында қала мешіттерінде жұма уағыздары жүргізілді.
Атап айтқанда, Ақтөбе қалалық орталық мешітінің бас имамы Алмат Әли «Қайырқожа» мешітінде, наиб имамы Ерәлі Құлмағанбет «Ар-Рахим» мешітінде, мешіт ұстазы Хамитов Мырзабек «Анашым» мешітінде жұма уағызын жүргізді.
Сондай-ақ «Ар-Рахим» мешітінің имамы Мирзабаев Елмұрат «Әс-Сәләм» мешітінде, ал «Әзіреті Біләл» мешітінің бас имамы Нұрлыбек Тәкиев «Бақытжан» мешітінде жұма уағызын айтып, жұма намазын өткізді.
Уағыздардың негізгі тақырыбы – «Адал еңбек – береке кілті». Имамдар адал кәсіптің маңызы, маңдай термен табыс табудың қадірі, еңбектегі адалдық пен жауапкершілік туралы насихат айтып, жамағатты адалдыққа, еңбекқорлыққа және қоғам игілігіне үлес қосуға шақырды.
