Талдысай ауылы тұрғындарына «Қамқор-Шарапат» жұмысы насихатталды

Ақтөбе облысы, Талдысай ауылына арнайы іс-сапармен барған ҚМДБ «Qamqor-Sharapat» орталығының Ақтөбе облысы бойынша жауапты маманы Мәжит Әбішев «Qamqor-Sharapat» салттық қызмет көрсету орталығының қызметі бойынша жамағатқа түсіндірме жұмыстарын жүргізді. Мешітте өткен шарада зират және зиярат мәдениеті туралы, орталық жұмысы жайлы толығырақ баяндады. Сондай – ақ, Мәжит Әбішев жерлеу рәсімдерін бірізділікке түсіру, жаназа, ас беру кезіндегі дәстүр, әдеттерді жүйелеу бойынша жұмыс жоспарымен таныстырып, жерлеу рәсімінде діни қызметкер тарапынан атқарылатын діни рәсімдерден бастап мәйіт көмілген соң қабірге қойылатын құлпытастың шариғаттағы шарттары қандай болу керектігіне егжей-тегжейлі тоқталды.