Облыстың Бас имамы «Тәңіршілдік дін бе, әлде наным-сенім бе?» тақырыбында сұхбат берді
Бүгін Ақтөбе облысының Бас имамы Серікжан Еншібайұлы «Aqtobe» телеарнасындағы «Сәті түскен сұхбат» бағдарламасында қонақ болып, «Тәңіршілдік дін бе, әлде наным-сенім бе?» тақырыбында сұхбат берді.
Сұхбат барысында Бас имам «Тәңір» ұғымынан бастап ашық түсіндіріп өтті.
«Әуелі дін дегеніміз не? Дін сөзінің мән-мағынасы қандай? Осы тұрғыдан алар болсақ, дін сөзінің араб тіліндегі мағынасы: сыйлық, үкім, есеп, жаза, мойынсұну, бағыну, құлшылық, шариғат, заң, жол, тіпті, кейбір жағдайларда ұлт деген ұғымды да қамтиды. Ал терминдік мағынасы: Алла Тағала тарапынан жіберілген иләһи жүйе, заң. Ол адамзат баласының өмір сүруін ретке келтіретін, адамның жан-дүниесіне рухани тірек болатын заңдылықтарды үйрететін, ақыретте Алланың разылығына кенелтетін, сондай-ақ уәде етілген мәңгілік жәннаттағы қуаныш пен бақытқа жетелейтін жол», - деді Серікжан Еншібайұлы.
Одан өзге бүгінгі таңдағы тәніршілік танымның бағыт-бағдары мен зардабына жіті тоқталды.
Ақтөбе облыстық орталық
«Нұр Ғасыр» мешітінің баспасөз қызметі
