Ақсақалдарға қабірлерді цифрландыру жұмысы түсіндірілді

ҚМДБ-ның «QAMQOR-SHARAPAT» салттық қызмет көрсету орталығының Ақтөбе облысы бойынша жауапты өкілінің ұйымдастыруымен Ақтөбе қаласы мешіттерінің ақсақалдарына қабірлерді цифрландыру жұмыстары түсіндірілді. Бұл жұмыс аса маңызды. Зираттарды бір стандартқа түсіру, зират әдебін насихаттау қолға алынып, бұл бағытта шаралар жүйелі атқарылып жатыр. Салттық қызмет орталықтары арнайы көлікпен қамтамасыз етілуде. Мазар салу мәселесі тоқтап, қазір зираттарды бір үлгіде тұрғызу ісі басталды. Осы шаралардың барлығы Діни басқарма тарапынан атқарылып жатыр.