«Тайқазан» акциясы аясында 25 отбасыға азық - түлік үлестірілді

Шалқар аудандық «Матай Қоқанұлы» мешітінің ұйымдастыруымен «Тайқазан» қайырымдылық акциясы аясында жағдайы төмен 25 отбасыға азық - түлік үлестірілді.

Аталған іске Шалқар ауданының қайырымды жандары мұрындық болды. Нәтижесінде 25 мұқтаж отбасыға азық - түлік үлестірілді. Жалпы салмағы 255 кг - ды құрады.

Өз кезегінде халықта өз ризашылықтарын білдіріп,қайырымды жандардың кәсіптеріне береке, жақсылықтарына сансыз сауаптар тіледі.

«Кімде-кім мұсылман бауырының қажетіне жараса, Алла Тағала да оның қажетін өтейді. Кімде-кім мұсылман бауырының қайғы-мұңын сейілтсе, Алла Тағала оны қиямет-қайымның бір қайғысынан құтқарады. Сондай-ақ, кімде-кім мұсылманның айыбын жасырса, Алла Тағала оның айыбын Қияметте жасырады», ‒ деген. (Бұхари, Муслим)