Шалқарда «Пәтуа сағаты» өтті
Шалқар ауданының Бас имамы Абзал Медетбеков жұма намазынан кейін «Пәтуа сағатын» өткізді.
Шалқар аудандық «Матай Қоқанұлы» мешітінің жамағатына Бас имам «Пәтуалар жинағы» кітабынан «Пойызда, ұшақта, кемеде және басқа да қатынас көліктерінде намаз қалай оқылады?» тақырыбы аясында пәтуа сағатын өтті.
Одан өзге Бас имам Абзал Медетбеков: «Пәтуаларды халыққа насихаттаудың маңызы ерекше. Халық арасында әртүрлі мәселелерге байланысты діни тұрғыдағы сұрақтар көп туындайды. Сол кезде дұрыс жауап беру үшін ҚМДБ «Ғұламалар кеңесінен» шығарылған пәтуаларға жүгінеміз. Пәтуаларды насихаттау арқылы халықтың діни сауаттылығын арттырып, түрлі жат ағымдардың әрекеттерінен сақтанамыз»- деп атап өтіп, пәтуалармен танысудың аса маңызды екендігін жеткізді. Өз кезегінде жамағат сауалдарын қойып, тұщымды жауап алды.
