Шалқар: Әжелер сайысы өтті 2983

Шалқар: Әжелер сайысы өтті

10 қазан 2023 180 Оқу 1 минут

Шалқар аудандық «Матай Қоқанұлы» мешіті және «Дін мәселелері және қоғаммен байланыс жөніндегі орталығы» КММ-нің ұйымдастыруымен «Қарттарым - асыл қазынам»тақырыбында әжелер сайысы өтті.

Игі шара барысында «Матай Қоқанұлы» мешітінің ұстазы Жұлдыз Тлеубай «Қарттарым – асыл қазынам» тақырыбында насихат айтып, тақырып аясында қатысушыларға сұрақ қойды. Ал психолог маманы Құралай Құрбанова «Қазақтың салт-дәстүрі» туралы айтып өтті.

Сайыс 5 кезеңнен тұрып, оған 6 қатысушы қатысты.

1. «Шаңырағым шаттығым»таныстыру;

2. Бесік жыры;

3. Қолөнер бұйымдарымен таныстыру;

4. Сұрақ-жауап сайысы;

5. Ұлттық тағамдардың жасалу жолдары.

Аудандық аналар кеңесінің төрайымы Маржан Бекетова «Қарттарым – асыл қазынам» тақырыбында баяндап, қатысушыларды марапаттады.

«Үздік әже» номинациясымен Роза Артықбаева марапатталды. Ал барлық қатысушыларға алғыс хат пен бағалы сыйлықтар табысталды.

 

Ақтөбе облыстық орталық 

«Нұр Ғасыр» мешітінің баспасөз қызметі