Рамазан айының алғашқы күндерінде Ақтөбе облысы өкілдігінде қайырымдылық акциясы өтті 1493

Рамазан айының алғашқы күндерінде Ақтөбе облысы өкілдігінде қайырымдылық акциясы өтті

04 сәуір 2022 72 Оқу 1 минут

Қасиетті Рамазан айының алғашқы күндерінде ҚМДБ Ақтөбе облысы өкілдігінде мешіттерге көмек сұрап келген аз қамтылған және көпбалалы, жалғызбасты, мүмкіндігі шектеулі санаттағы т.б отбасылардың өтініштері ескеріліп, 1 101 000 теңгеге көмек берілді.

ҚМДБ «Зекет және қайырымдылық қорының» «Қолма-қол» акциясы аясында облыстық «Нұр Ғасыр» мешіті 1 студенттің оқу ақысына 250 000 теңге, ал 7 адамға 280 000 теңге ( әр адамға 40 000 теңгеден) және «Бақытжан» мешітінің бас имамы Ержан Мизамовтың себепкерлігімен 8 адамға 400 000 теңге зекет табысталды.

Сонымен қатар «Өмірге үміт сыйла» акциясы аясында облыстық орталық «Нұр Ғасыр» мешітінің наиб имамы Алмат Әлидің ұйымдастыруымен 2 адамның еміне 100 000 теңге, Алға ауданының Бас имамы Абдувахид Абдурасулов мұрындық болуымен 1 адамның еміне 50 000 теңге, Ойыл ауданының Бас имамы Нұрсұлтан Серікұлының бастамасымен қайырымдылық турнирі өтіп, жиналған 120 000 теңге қаржы 1 адамның сырқатының еміне берілді.

Игі шараға демеушілік танытқан кәсіпкерлерге алғыс білдіреміз, кәсіптеріне Алла Тағала саауаптан жазсын!


Ақтөбе облыстық орталық

«Нұр Ғасыр» мешітінің баспасөз қызметі