ПРЕЗИДЕНТ ЯСАУИ КЕСЕНЕСІНЕ ЗИЯРАТ ЖАСАДЫ

Президент Қасым-Жомарт Тоқаев Түркістан облысына жұмыс сапарын түркі дүниесінің рухани әрі тарихи-мәдени ескерткіштерінің бірі, ЮНЕСКО-ның Бүкіләлемдік мұралар тізіміне енген Қожа Ахмет Ясауи кесенесіне зиярат етуден бастады.

Мемлекет басшысы кесене аумағында жерленген ғұлама Қожа Ахмет Ясауи мен басқа да әйгілі тарихи тұлғалардың рухына тағзым етіп, құран бағыштады. Зияратқа ҚМДБ Төрағасы Наурызбай қажы Тағанұлы да қатысты.