Ойылдықтарға діни басылымдар таныстырылды
09 қазан 2026
35
Оқу 1 минут
Ойыл ауданында Ойыл ауданының бас имамы Бақжарық Қызыр аудандық белсенді өмір сүру орталығының апаларымен кездесу өткізіп, Қазақстан мұсылмандары діни басқармасының төл басылымдары «Иман» журналы мен «Мұнара» газетінің мазмұны мен маңызын таныстырды.
Кездесу барысында қатысушыларға діни басылымдардың мазмұны мен маңызы түсіндіріліп, олардың рухани тәрбие берудегі, діни сауаттылықты арттырудағы және асыл дініміздің құндылықтарын насихаттаудағы рөлі айтылды.
Іс-шараның мақсаты – тұрғындардың діни сауатын арттырып, рухани-танымдық басылымдар арқылы ізгілік пен имандылық құндылықтарын кеңінен насихаттау.
