Ақтөбе имамдары жолда қалған жолаушыларға жәрдем берді
Бас мүфти Наурызбай қажы Тағанұлының жылдық жоспарына сәйкес имамдар қоғамда ізгі амалдар мен қайырымдылықты жасауды одан әрі жүйелі түрде атқаруда.
Ақтөбе облысында ақ түтек бораннан жүре алмай жолда қалған адамдар, оның ішінде балалар да бар.
Қар құрсауында қалған 72 адамға ҚМДБ Ақтөбе облысы өкілдігіне қарасты Әйтеке би, Ырғыз, Хромтау ауданының бас имамдары мешіт жамағатымен бірлесіп, көмек берді.
Ырғызда 10 адам (9 ер адам, 1 кішкентай бала), Хромтауда 1 ер адам, Әйтеке би де 61 адам ( 10-ы әйел, 2 бала, 49 ер адам) көмек берілді.
Жолаушылар бас мүфти мен, аудан имамдарының бұл әрекетіне разы болып, алғыстарын білдірді. Алла Тағала барша жолда қалған бауырларымызға амандық беріп, аман-есен отбасыларына оралуын нәсіп етсін!
Айта кетсек, игі бастама, ҚМДБ төрағасы, Бас мүфти Наурызбай қажы Тағанұлының тапсырмасына орай жыл бойы түрлі апаттық жағдайда (су тасқыны, өрт салдары, ауа райының қолайсыздығына байланысты қар қоршауы) жақыныңа жанашыр болу мақсатында қайырымдылық көрсетіліп келеді.
Ақтөбе облыстық орталық «Нұр Ғасыр» мешітінің баспасөз қызметі
