ҚМДБ төрағасы Облыстың бас имамын марапаттады
Елордада өткен Төралқа мәжілісінде ҚМДБ төрағасы, Бас мүфти Наурызбай қажы Тағанұлы Ақтөбе облысының Бас имамы Амантай Садиевті алғыс хатпен марапаттады.
«…Алла жолында аянбай қызмет етіп, сауапты істердің атқарылуына ұйытқы болып, имандылық бағытындағы ізгі істеріңіз үшін Сізді Қазақстан мұсылмандары діни басқармасының 35 жылдық мерейлі мерекесімен шын жүректен құттықтаймын. Жаратқан Алла деніңізге саулық, отбасыңызға амандық, өміріңізге береке бергей! Атқаратын игі істеріңіздің сауабы өзіңізге еселеп қайтып, қос дүниенің қуанышы мен нығметіне кенелгейсіз! Әмин!» делінген алғыс хатта.
Марапатыңызбен құттықтаймыз! Алла Тағала абыройыңызды арттыра берсін!
Айта кетсек, 2024 жылдың 23 тамыз күні ҚМДБ төрағасы, Бас мүфти Наурызбай қажы Тағанұлы хазреттің бұйрығымен ҚМДБ-ның Ақтөбе облысы бойынша Бас имамы болып Амантай Садиев тағайындалды.
Ақтөбе облыстық орталық
«Нұр Ғасыр» мешітінің баспасөз қызметі
