Ақтөбеде «Хадистану» курсы ашылды
Ақтөбе облыстық орталық «Нұр Ғасыр» мешітінде жамағат сауатын арттыруға арналған «Хадистану» курсы ашылды.
ҚМДБ Төрағасы, Бас мүфти Наурызбай қажы Тағанұлы жыл басындағы 2024 жылға арналған Бағдарлық баяндамасында жамағатқа хадис ілімінің негіздерін түсіндіру мақсатында орталық мешіттер жанынан «Хадистану» курсын ашуды тапсырған болатын. Осы орайда облыстық «Нұр Ғасыр» мешіті жанынан «Хадистану» курсы ашылып, дәрістер басталып кетті. «Хадистану» курсы екі форматта, яғни жалпы жамағатқа арналған уағыз түрінде және мешіт шәкірттеріне арнайы дәріс түрінде де өткізіліп жатыр. Ханафи мәзһабының фиқһ үкімдеріне қатысты хадистерді түсіндіруге бағытталған курсты шәкірттер мен жалпы жамағат ықыласпен қабылдауда.
Ақтөбе облыстық орталық
«Нұр Ғасыр» мешітінің баспсөз қызметі
