Ақтөбе: Дәстүрлі уағыз дастарханы ұйымдастырылды
29 наурыз 2022
343
Оқу 1 минут
Ақтөбе қаласы, Астана ауданы, «Жаңақоныс» ауылындағы «Бақытжан» мешітінде «Әйел-қыздар» секторының ұйымдастыруымен кезекті айлық дастархан жиыны өтті.
Басқосуда облыстық орталық «Нұр Ғасыр» мешітінің ұстаздары Айнұр Мырзабаева, Гүлмайра Тұрлыбекова, Ардақ Бағдалқызы «Ұрпақ тәрбиесі – ұлт тәрбиесі», «Имандылық – инабаттылық бастауы», «Салиқалы әйелдің сипаты» тақырыбында уағыз-насихат айтылды.
Қала мешіттерінің әйел жамағатын қамтып, діни сауаттандыру мақсатында ұйымдастырылған іс-шараға 30-ға жуық ақжаулықты әжелер мен қыз-келіншектер қатысты.
Одан өзге шара соңында Рамазан оразасы тақырыбында сұрақ-жауап ұйымдастырылды.
Ақтөбе облыстық орталық
«Нұр Ғасыр» мешітінің баспасөз қызметі
