Ақтөбе қажыларына 2 күндік семинар өткізіліп, ұлы сапарға шығарып салынды
ҚМДБ Ақтөбе облыстық орталық «Нұр Ғасыр» мешітінде Қажылық сапарына аттанатын Ақтөбелік қажыларға 2 күндік семинар өтті.
Ақтөбе облысының Бас имамы Серікжан Еншібайұлы және ҚМДБ «Қажылық» бөлімінің Ақтөбе облысы бойынша жауапты өкілі, облыстық «Нұр Ғасыр» мешітінің наиб имамы Нұрбол Смағұлов қасиетті мекенде Қажылық парызын өтейтін болашақ қажыларға дәріс өткізді.
Семинар барысында облыстың Бас имамы қажылыққа ниет етушілердің әрбірінің жеке басының жан-жақты дайындықтарымен қатар, құлшылықтың қасиеттілігі мен сауабы жөнінде айтып, хикметін түсіндірді.
Наиб имам Нұрбол Смағұлов қатысушыларға бес парыздың бірі болған қасиетті құлшылықтың орындалу шарттары, ихрам кию үлгісі, қажылық өтеу барысында жасалуы керек амалдар мен шариғат талаптарын толығымен түсіндіріп, қажетті дұғаларды, қажылық мәдениеті мен әдептерін, құлшылықтың атқарылу барысындағы шарттары мен тыйым салынған істерді, сондай-ақ зиярат әдептерін үйретті.
Одан өзге Нұрбол Смағұлов қажылық компаниялардың ұсынатын қызметтеріне тоқталып, осынау ұлы сапардың маңыздылығын түсіндірді.
Жақында ҚМДБ Республикалық имамдар форумында қаблданған «Қажының рухани келбеті» атты құжатпен таныстырып, алдағы уақытта аталған құжат аясында қажыға сай әдептер мен нұсқаулықтарды басшылыққа алуды ұсынды.
Ақтөбе облыстық орталық
«Нұр Ғасыр» мешітінің баспасөз қызметі
