Шалқар: Ауданның Бас имамы Бозой ауылына барды
Шалқар ауданының Бас имамы Абзал Медетбеков «Ислам және дәстүр құндылығы» жылы аясында Бозой ауылына арнайы іссапармен барды.
Іссапар барысында Бас имам жергілікті мешітке барып, оның тыныс-тіршілігімен танысты. Сондай-ақ құлшылық үйінің жұмысын жандандыру, уағыз-насихат пен қайырымдылық бағытындағы шараларды күшейту мәселелеріне назар аударды.
Сонымен қатар аудан тұрғындарымен кездесіп, өңірдегі діни ахуал, дін мен дәстүр сабақтастығы, ұлттық тәрбие мен береке-бірлікті нығайтудағы аға буынның рөлі жөнінде сөз қозғады. Кездесу барысында ауыл тұрғындарының пікірлері тыңдалып, қойылған сұрақтарға жауап берілді.
Шара соңында мешіт жамағатымен басқосу өтіп, «Ауызбіршілік – алтыннан да қымбат» тақырыбында насихат айтты.
Ақтөбе облыстық орталық
«Нұр Ғасыр» мешітінің баспасөз қызметі
