Бас имам Алғадағы мешіттердің тыныс-тіршілігімен танысты

Ақтөбе облысының Бас имамы Амантай Садиев Алға ауданына арнайы барған жұмыс сапарында өңірдегі мешіт–медреселердің тыныс-тіршілігімен танысты. Ең алдымен Алға ауданына барған Бас имам Алға аудандық мешіті, Бесқоспа ауылдық мешіті және жаңадан салынып жатқан Бестамақ ауылдық мешітінің тыныс – тіршілігімен танысты. Мешіт тазалығына назар аударып, ғимараттың ішкі және сыртқы жұмыстарын тексерді. Сондай - ақ, Есет батыр кесенесіне арнайы барып, батырдың рухына Құран аяттарын бағыштады.