Шұбаршиге жаңа имам тағайындалды
Қасиетті жұма күні Ақтөбе облысының Бас имамы Амантай Садиев арнайы жұмыс сапарымен Темір ауданына барды. Іс-сапар барысында Шұбарши ауылдық мешітінде жергілікті жамағатпен кездесіп, мешіттің тыныс тіршілігімен танысты. Кейін Бас имам «Құран және ғылым» тақырыбында жұма уағызын айтты.
Уағыз соңында жұмаға жиналған жамағат алдында Бас мүфти Наурызбай қажы Тағанұлы хазреттің бұйрығымен тағайындалған Шұбарши ауылдық мешітінің жаңа бас имамы Өтегенов Мақсат Низамадинұлын таныстырып, алдағы уақытта атқарар қызметіне сәттілік тіледі.
Өтегенов Мақсат Низамадинұлын
Білімі:
-2015-2018 ж. Ақтөбе медресесі түлегі. Мамандығы:
“Исламтанушы”.
-2016 жылы ҚМДБ жанындағы имамдардың білімін жетілдіру Ислам институты;
Қызметі:
- 2009-2013 жылдар аралығында Ақтөбе облысы, Шалқар ауданы, Шілікті ауылдық «Нұрпейіс Ишан» мешітінде имам қызметін атқарды;
- 2013-2015 жылдар аралығында Ақтөбе облысы, Мұғалжар аудандық «Нұртай» аудандық мешітінде азаншы қызметін атқарды;
- 2016-2017 жылдар аралығында Ақтөбе облысы, Шалқар ауданы, Тоғыз ауылдық «Тоғыз» мешітінде имам қызметін атқарды;
- 2018-2022 жылдар аралығында Ақтөбе облысы, Мұғалжар ауданы, Жұрын ауылдық «Жұрын» мешітінде имам қызметін атқарды.
Үйленген, 5 баланың әкесі.
