Облыстың Бас имамы тарихи мешітте насихат айтты
Ақтөбе облысының Бас имамы Амантай Садиев Ақтөбе қалалық орталық мешітінде жамағатпен жүздесіп, жұма уағызын өткізді.
Уағыз барысында «Ата-ана, ағайын-туыстың діндегі орны» тақырыбына жіті тоқталды. Қоғамдағы отбасы құндылықтарының маңыздылығын кеңінен түсіндірді.
«Ислам діні ата-ананың орны мен қадірін әрқашан ең жоғары дәрежеге көтереді. Өйткені ата-ана – адамның өмірге келуінің себебі, адамдық қасиетті бойға сіңіретін алғашқы тәрбиеші, жүрекке жылу, көңілге медет сыйлайтын ең жақын жандар», – деп облыстың Бас имамы.
Сонымен қатар аталған мешіттің әрбір ісіне қолдау көрсетіп жүрген демеушілер мен белсенді азаматтарға алғыс хаттар табыстап, құрмет көрсетіп, қазақтың салт-дәстүрі бойынша шапан жапты.
Ақтөбе облыстық орталық
«Нұр Ғасыр» мешітінің баспасөз қызметі
