Мерзімді басылымдарға шолу жасады
Бүгін ҚМДБ Ақтөбе облысы өкілдігінде «Ислам және дәстүр құндылығы» жылы аясында Ақтөбе облысының Бас имамы Амантай Садиевтің бастамасына орай «Әйел-қыздар» секторының ұйымдастыруымен мешіт шәкірттеріне облыстық орталық «Нұр Ғасыр» мешітінің әйелдер дәрісханасында республикалық газет-журналдарға шолу жасалды.
Руханиятты байытатын игі бастамада «Әйел-қыздар» секторының жетекшісі Кенжегүл Кушкарова, мешіт ұстаздары Ақтолқын Орысбайқызы мен Айнұр Мырзабаева шәкірттерге республикалық, облыстық газет-журналға шыққан әр танымдық мақаланы талдап, маңыздылығын түсіндірді.
Сонымен қатар таным көкжиегін кеңейту үшін діни ақпараттан өзге көркем еңбектерді оқуға үндеді.
Одан өзге мерзімді басылымдарды оқу арқылы өңір, республикадағы жаңалықтармен таныс болатынын айтты.
Аталған игі шара айлық отырыстарда жалғасып келеді.
Айта кетсек, қараша айындағы шолу «Егемен Қазақстан», «Айқын»,«Ақтөбе»,«Керек.инфо» газетеріне арналды.
Ақтөбе облыстық орталық «Нұр Ғасыр» мешітінің баспасөз қызметі
