Әйел ұстаздарға шариғат және пәтуа семинары өткізілді 3190

Әйел ұстаздарға шариғат және пәтуа семинары өткізілді

04 ақпан 2024 417 Оқу 1 минут

ҚМДБ-ның Ақтөбе облысы бойынша Шариғат және пәтуа бөлімінің жауапты маманы Мұхаммедисмаил Шадманның өткізуімен, облыстық «Нұр Ғасыр» мешітінде әйел ұстаздарға арналған «Шариғи пәтуа берудің заманауи мәселелері» атты тақырыпта семинар-тренинг өтті.

Наиб имам өз сөзінде шариғаттағы пәтуа берудің жауапкершілігіне тоқталды.

Атап айтқанда, «Пәтуа – бұл үлкен жауапкершілік», «Ғибадат және отбасы құқығына қатысты қабылданған пәтуалар», «Әлеуметтік желі арқылы сұрақ-жауап жүргізу тәртібі: ұйымдастыру, талдау және бақылау», «Қазіргі қоғамдағы қаржы және сауда қатынастарына қатысты пәтуалар» сынды тақырыптар бойынша Діни басқарманың әзірлеген пәтуалар легімен таныстырды. Сондай-ақ, қазіргі таңдағы шариғи пәтуа берудің заманауи мәселелеріне тоқталып, оның діндегі жауапкершілігін ерекше атап өтті.

Келелі басқосудың соңында семинарға қатысушылар ҚМДБ-ның Шариғат және пәтуа бөлімінің облыстағы жауапты маманына күніміздегі келелі мәселелер бойынша толғандырған сұрақтарын қойып, тұщымды жауаптар алды.



Ақтөбе облыстық орталық 

«Нұр Ғасыр» мешітінің баспасөз қызметі