«Дархан дала» жобасы аясында экскурсия ұйымдастырылды
ҚМДБ-ның «Дархан дала» отандық туризм жобасы аясында Құмжарған ауылдық клубы мен мәдени ұйымдастырушысы Нұргүл Сәлімгерейқызы, клуб жанындағы үйірме қатысушылары Ойыл аудандық мешітіне экскурсия жасады.
Іс-шараның негізгі мақсаты – жас ұрпақтың рухани-адамгершілік құндылықтарға деген қызығушылығын арттыру, ұлттық салт-дәстүр мен діни-мәдени мұраларды насихаттау, сондай-ақ олардың танымдық көкжиегін кеңейту.
Экскурсия барысында Ойыл ауданының бас имамы Бақжарық Қызырұлы мешіт тарихы және тыныс-тіршілігімен таныстырды. Сонымен қатар балаларға адамгершілік, имандылық, үлкенді құрметтеу және кішіге қамқорлық көрсету қағидаттары жөнінде түсіндірме жұмыстарын жүргізді.
Ақтөбе облыстық орталық
«Нұр Ғасыр» мешітінің баспасөз қызметі
