«Бақытжан» мешіті: Садақ атудан сайыс өтті
ҚМДБ бекіткен «Ислам және отбасы құндылығы» жылы аясында Бас мүфти Наурызбай қажы Тағанұлы хәзіреттің бағдарлық баяндамасына орай, 4 бағыттың бірі — «Дін мен дәстүр» бағытында Ақтөбе қаласындағы «Бақытжан» мешітінің ұйымдастыруымен жамағат арасында ұлттық спортты насихаттау мақсатында садақ атудан сайыс өтті.
Қазіргі таңда елімізде дәстүрлі садақ ату спорты әсіресе, жастар арасында қарыштап дамып келеді. Садақ ату спорты шымырлық пен мергендікке баулыйды. Өз елі мен Отанын сүюге, тәуелсіздіктің қадірін түсіну арқылы нағыз патриот болуға бастайтын бұл шара бірлігі жарасқан жамағат арасында аса қызықты әрі тартысты болып, ұйымдастырушыларға қатысушыларға алғысын білдірді.
Іс шараға қолдау көрсетке «Алтын жебе» садақ ату орталығына алғысымызды білдіреміз!
Ақтөбе облыстық орталық
«Нұр Ғасыр» мешітінің баспасөз қызметі
