«Бақытжан» мешіті: Исра және Миғраж хикметі насихатталды
«Бақытжан» мешітінің әйел жамағаты ұйымдастыруымен «Исра және Миғраж хикметі» атты Миғраж түніне орай шара өтті.
Шара шымылдырығы «Бақара» сүресінің 285-286 аяттарын оқумен ашылды. Бұл шараның мақсаты: Мұхаммед пайғамбарды (оған Алланың салауаты мен сәлемі болсын) Харам меншітінен Ақса мешітіне дейін серуендеткен, Ақсадан жеті қат көкке көтерген, әр қабатында аяттарын көрсеткен, әр аяттарын мұсылмандарға ғибрат еткен Алла Тағалаға жамағат боп шүкіршілік айту, Миғражда көргенін күмәнсіз үмметке насихат еткен Пағамбарға (Алланың игілігі мен амандығы болсын) салауаттар жолдау.
Мешіт ұстазы Анар Қойшығұлова жамағатқа Исра және Миғраж түндері, хикметі, оқиға желісі, сыйға берілген нығметтер: 5 уақыт намаз, шапағаат құқығы, әттахият дұғасы, үтір намазы, әр аспанда тілдескен Пайғамбарлар, әр аспандағы құлшылықтағы періштелер т.б туралы көрнекі түрде баяндап берді.
Одан өзге ақ жаулықты әжелерден жамағатқа өсиеттер айтып, ұйымдастырушыларға ақ тілегін білдірді.
Ақтөбе облыстық орталық
«Нұр Ғасыр» мешітінің баспасөз қызметі
