Ауыл тұрғындарына «Qamqor-Sharapat» орталығының жұмысы түсіндірілді
Ойыл ауданындағы Берсиев ауылында «Qamqor-Sharapat» салттық қызмет көрсету орталығының қызметі бойынша ауыл тұрғындарына түсіндірме жұмыстары жүргізілді.
Іс-шараға Ойыл аудандық ардагерлер кеңесінің төрағасы Болат Бақтыгереев, ауыл ақсақалдары мен тұрғындары қатысты.
Кездесу барысында Ойыл ауданының бас имамы Бақжарық Қызыр ҚМДБ- ға қарасты «Qamqor-Sharapat» орталығының негізгі мақсат-міндеттері мен бағыттарын айтты. Сонымен қатар, жаназа және жерлеу рәсімдерін шариғат талаптарына сай ысырапсыз әрі жүйелі түрде ұйымдастыру мәселелеріне егжей-тегжейлі тоқталды.
Одан өзге құдайы астарды халыққа ауыртпалық түсірмей, шариғат пен салт-дәстүрге сай, қолжетімді деңгейде өткізу мәселелері талқыланды.
Ақтөбе облыстық орталық
«Нұр Ғасыр» мешітінің баспасөз қызметі
