«Зекет және қайырымдылық» қоры ерекше жандарға арналған республикалық игі шара өткізді

Қазақстан мұсылмандары діни басқармасы жанындағы «Зекет және қайырымдылық» қоры Ерекше жандардың халықаралық күніне орай республика көлемінде қайырымдылық шараларын жүзеге асырды.

«Өмірге үміт сыйла» жобасы аясында ұйымдастырылған іс-шара барысында мүмкіндігі шектеулі азаматтарға әлеуметтік қолдау көрсетілді. Атап айтқанда, бірқатар азаматтарға мүгедек арбасы мен медициналық көзілдірік табысталды. Сондай-ақ бірнеше отбасыға қаржылай көмек беріліп, азық-түлік себеттері үлестірілді.

Аталған игі бастаманың мақсаты — ерекше қажеттіліктері бар жандарға материалдық және рухани қолдау көрсетіп, қоғамда мейірімділік пен қамқорлық құндылықтарын нығайту.