Шәкірттер Құранға түсті
Ақтөбе қалалық орталық мешітінде 20 шәкірт Құранға түсті. Мешітте өтетін сауат ашу курсына үнемі жауапкершілікпен қарап, ынталы ниеті мен әрекетінің нәтижесінде шәкірттер Құран оқудың ережелерін игеріп, қасиетті кітапты тиісті деңгейде оқуды үйренді.
Алланың кәләмін үйреніп және өзгелерге үйретушілер туралы ардақты Пайғамбарымыз ﷺ : «Сендердің ең жақсыларың – Құранды үйреніп оны үйреткендерің», – деп өсиет қалдырған. Сондай-ақ,Құранға жақсылап зейін қойып, әріптерін әдемі оқуға машықтанған әрі амал етуге тырысқан мұсылманның абыройы артатыны жайлы : «Құранды шебер оқуға машықтанған жан Құранды жазуға тағайындалған мәртебелі періштелермен бірге болады. Ал Құранды оқығанда кекештеніп қиналса, екі сауап алады», – деген.Ендеше, екі дүниелік шамшырағымызға айналған қасиетті кітабымызды үйренудегі әрбір қиыншылық сауапқа толы.
Айта кетейік, Құранға түскен шәкірттердің ең кішісі 6 жаста.
Алла барша шәкірттердің зейіндерін арттырып, жүректерін Құранмен нұрланған ықыластылардан еткей!
