Шалқар жамағаты жаңа мешітке сенбілік жасады

Шалқар ауданында жамағат жаңадан салынып жатырған «Тәубе» мешітінің айналасына сенбілік тазалық жұмыстарын жүргізді.

Қоршаған ортаның тазалығына мән беріп, көңіл аудару әрбір мұсылман баласының бұлтартпас борышы. Осы орайда «Тазалық – иманның жартысы» деген хадисті ту еткен мешіт қызметкерлері мен жамағаты имандылық ордасының ажарын аша түсті.

Жылдағы үрдіс бойынша аудандық, қалалық мешіттердегі секілді құрылыс жұмыстары жалғасып жатырған «Тәубе» мешітінде де тазалық жұмыстары жасалып, қорытындысында мешіт және Алла үйінің ауласы түрлі қоқыстардан тазартылды. Тазалық жұмыстарына жұмыла атсалысқан жамағатқа мешіт имамдары ризашылықтарын білдірді.