«Көшпелі уағыз-насихат»: Имамдар ақпараттық-түсіндіру жұмыстарын жүргізді
«Ислам және ізгі қоғам» жылы аясында діни тұрақтылықты сақтау мақсатында ҚМДБ Ақтөбе облысы өкілдігінің «Көшпелі уағыз-насихат» жобасы аясында Хромтау ауданында «Әл-Латиф» мешітінің имамы Қанат Қасымов пен Мәртөк ауданының бас имамы Зарлық Ералин аудандық аурухана қызметкерлерімен кездесіп, ақ халатты абзал жандарға ізгі қоғам және жат ағымнан сақтану туралы ақпараттық-түсіндіру жұмыстарын жүргізді.
Сонымен қатар Қобда ауданының Бас имамы Абай Шимболатов пен «Қайырқожа» мешітінің имамы Шыңғыс Құлшаров аудандық мұражай қызметкерлерімен жүздесіп, діни басқарма бекіткен 5 бағыт аясында және ДТКБК жұмысшыларымен кездесуде «Ислам және ізгі қоғам» тақырыбында түсіндіріп өтті.
Одан өзге кездесуге қатысушылар имамдарға өздерін мазалаған сұрақтарын қойып, тұщымды жауап алды.
Айта кетсек, ауданда «Көшпелі уағыз-насихат» жобасы 2 күн жалғасын табады.
Ақтөбе облыстық орталық
«Нұр Ғасыр» мешетінің баспасөз қызметі
