Бірнеше дін қызметкерлері алғыс хатпен марапатталды

ҚМДБ «Qamqor-Sharapat» салттық қызмет көрсету орталығы республика бойынша мешіттердің имамдары және жамағат арқылы халық арасында жаназа және жерлеу рәсімдерін бірізділікке түсіру жұмыстарын тиянақты әрі нәтижелі атқарып келеді.

Осыған орай ҚМДБ «Qamqor-Sharapat» орталығының директоры Мейрамбек Қыбылбекұлының атынан Ақтөбе облысы мешіттерінде қызмет атақарып жүрген қызметкерлер алғыс хатпен марапатталды.

Қасиетті жұма күні Ақтөбе облысы бас имамы алғыс хаттарды дін қызметкерлеріне табыстады. Олар: Ақтөбе облыстық орталық «Нұр Ғасыр» мешітінің молдасы Бақыткерей Балкенов, Ақтөбе қалалық орталық мешітінің ұстазы Рүстембек Аманғосов және Ақтөбе облыстық орталық «Нұр Ғасыр» мешітінің шәкірті, дін жанашыры Қанат Өмірзақов.