«Қайырқожа» мешіті: Бас имам жас отбасымен кездесті

 «Ислам және адал қоғам» жылы аясында «Дәстүр және отбасы» бағыты бойынша Ақтөбе қаласындағы «Қайырқожа» мешітінің бас имам имамы Шыңғыс Құлшаров жас отбасымен кездесті.

Кездесу барысында имам адал қоғам — адал тәрбиеден, ал адал тәрбие — берекелі отбасыдан басталатындығы туралы насихат айтып, дүниеге келген сәбиге азан шақырып, есімін қойды.

Сонымен қатар ат қоюдың шариғаттағы және ұлттық дәстүрдегі маңызы түсіндіріліп, ата-анаға бала тәрбиесіндегі жауапкершілікке тоқталды.

Одан өзге сәбидің ғұмыры ұзақ, өмірі берекелі, ата-анасына қуаныш, еліне қызмет ететін иманды ұрпақ болуын тілеп, дұға жасалды.

Ақтөбе облыстық орталық 

«Нұр Ғасыр» мешітінің баспасөз қызметі