Ақтөбе: «Ихсан тілде емес – ділде, сөзде емес – іс-әрекетте» атты семинар өтті
Ақтөбе қалалық орталық мешітінде Ақтөбе қаласының бас имамы Нұрлыбек Шакизадаұлының ұйымдастыруымен «Ихсан тілде емес – ділде, сөзде емес – іс-әрекетте» атты қала имамдарына арналған семинар өтті.
Аталған семинарға Ақтөбе қаласының барлық мешіттерінің бас және наиб имамдары және РАНТ мүшесі, Жамбыл облыстық орталық «Һибатулла-Тарази» мешітінің наиб имамы Нұралы Бақытұлы арнайы қатысып, имамдардың қоғамдағы рөлі мен жауапкершілігі туралы тоқталды.
Одан өзге алған білімнің ақысын берудің маңыздылығы мен ихсан мәселесі де сөз етіліп: «Ихсан дегеніміз – тек тілмен ғана айтылып қоятын мәселе емес, оның әсері шынайы амалға асырғанда ғана көрініс табатындығын ұмытпауымыз керек»-деп атап өтті.
Шара соңында РАНТ мүшесі қойылған сұрақтарға жауап беріп, маңызды сауалдарды тереңінен талдады.
Ақтөбе облыстық орталық
«Нұр Ғасыр» мешітініің баспасөз қызметі
