ҚМДБ құрылымындағы діни лауазымдар тізілімі және міндеттер

Қазіргі қоғамымыздағы  діни  ахуал  жағдайында  ішкі тұрақтылықты және  рухани  тұтастықты  сақтауда  имамның қызметі зор. Дерттің алдын алып, оған қарсы ем қолданғандай, рухани  дерттің  емшілері  мен  қоғам  өмірін  үйлесімділікке келтіретіндер – имамдар. Бұрыс бағыттағы біреудің жетегінде жүрген азаматтарды дұрыс арнаға салу, ақ пен қараны, дұрыс пен бұрысты, халал мен харамды ажыратып беру – имамдардың мойнында. Ендеше, бүгінгі таңда діни лауазымдардың нақты атауын  жасау  да  –  қажетті  мәселелердің  бірі.  Діни  атаудың жасалуы арқылы олардың міндеттері белгіленеді.