Шатырхат ахунның өмірі насихатталды

Шалқар ауданында «Шатырхат ахун» діни мәртебесінің иесі, Шалқар аумақтық діни басқармасының ишаны - Аманғали Итесұлының (1884-1936ж.ж) – 140 жылдығына орай Шалқар аудандық тарихи-өлкетану музейінің жылдық жұмыс жоспарына сәйкес «Аманғали – шатырхат ахун» тақырыбында дөңгелек үстел өтті.

Дөңгелек үстелге Бозой ауылдық «Аманғали ахун Итесұлы» мешітінің имамы Шерхан Оразақұл және Шалқар аудандық «Матай Қоқанұлы» мешітінің наиб имамы Ерлан Наурызбаев арнайы шақырылды.

Бозой ауылдық «Аманғали ахун Итесұлы» мешітінің имамы Шерхан Оразақұл ауылдық мешіттің қазіргі таңдағы жұмысы жайлы және діни тұлға туралы қолда бар деректерге тоқталып, мұражай қызметкерлерімен ой бөлісті.

Имам Шерхан Оразақұл Аманғали ишан туралы мәліметтерді (көшірмелер) музейге тапсырды.

Сондай – ақ, қонақтарға «Діни ұлы ғұламалар» тақырыбында лекция оқылып, экспозициялық көрмеге шолу жасалып, музей залдарына экскурсия жүргізілді.