«Ислам және отбасы құндылығы» тақырыбында уағыз айтылды
Ақтөбе қалалық «Сүлеймен ата” мешіт ұстазы Дарменов Қайрат жамағатқа «Ислам және отбасы құндылығы» тақырыбында уағыз айтты. Исламдағы отбасы қандай болуы керек, исламдағы отбасының құндылықтары қандай, - деген сияқты сұрақтарға жауап беруге тырысты. Отбасы - исламда баға жетпес құндылықтар ретінде әспеттеледі. Қоғам отбасыдан басталатындығын ардақты пайғамбарымыз (Оған Алланың игілігі мен сәлемі болсын) жете түсініп, тұтас қоғамды таза ұстаудың бірден-бір кепілі – отбасы тәрбиесі мен жанұя құндылықтарында екендігіне маңыз берген. Ардақты пайғамбарымыз (Оған Алланың игілігі мен сәлемі болсын): «Ер кісі отбасының бақташысы, сондықтан ол қол астындағыларға жауапты» деген. Отбасы мүшелерінің өзара міндеттерін исламда анық көрсетілген. Отбасын асыраушы ретінде ер адамның жауапкершілігін айқындап өткен. Тағы да басқа хадистерде: «Әйел өз үйі мен балаларының бақташысы, сол үшін жауапты» деп, әйелді отбасы берекесінің ұйтқысы, ұйыстырушысы ретінде белгілеген.
