Шалқар: Әйел жамағаты арасында салауат айтудан сайыс өтті
27 қыркүйек 2022
332
Оқу 1 минут
Шалқар ауданындағы «Әйел-қыздар» секторының ұйымдастыруымен шәкірттер арасында Пайғамбарымызға (ﷺ) салауат айтудан сайыс өтті.
Байқау барысында 140800 салауат айтып, Өмірхан Жанерке бас жүлдені иеленді. Жалпы сайыс барысында екі дүние сардарына 1 000 000 рет салауат айтылды.
Сонымен қатар жарысқан қатысушыларға арнайы сый-сияпаттар табыс етілді.
Одан өзге Шалқар аудандағы «Әйел-қыздар» секторының жетекшісі, «Матай Қоқанұлы» аудандық мешітінің ұстазы Жұлдыз Тлеубай «Пайғамбарға махаббат» тақырыбында уағыз насихат айтса, «Жанаман ахун Сейітімұлы» мешітінің ұстазы Бақытнұр Нұрмағанбетова «Адамзаттың асыл тәжі» кітабына талдау ретінде сұрақ-жауап ұйымдастырды.
Ақтөбе облыстық орталық
«Нұр Ғасыр» мешітінің баспаөз қызметі
