Имамдар арасында воллейболдан жарыс өтті

Ақтөбе қаласы, «Бақытжан» мешітінің бас имамы Ержан Мизамовтың ұйымдастыруымен Республика күніне орай Ақтөбе қаласы мешіттерінің имамдарының арасында воллейболдан сайыс өтті. Салауатты өмір салтын қалыптастыру және бірлік мақсатында ұйымдастырылған басқосуға Ақтөбе облысының бас имамы Амантай Садиев имам да қатысып, діни қызметкерлер арасында бірлік пен сыйластықты насихаттады. Алла жолында жасап жатқан қызметтеріне береке тілеп, Алладан мол сауап жазылуын сұрады. Кейін бас қосу бассейнде жалғасын тапты. Онда имамдар өзара жарысып, Пайғамбардың (Алланың оған салауаты мен сәлемі болсын) суға жүзу сүннетін тірілтті.