«Білімді мыңды жығады» атты білім сайысы өтті
Ақтөбе қалалық орталық мешітінің ұйымдастыруымен ардақты пайғамбарымыз Мұхаммед Мұстафа (с.ғ.с) дүниеге келген мүбәрак Мәуліт айының құрметіне орай «Білімді мыңды жығады» атты білім сайысы өтті.
Шараның басты мақсаты – Алла Елшісінің (с.ғ.с) ғибратқа толы ғұмырын насихаттап, көркем мінез-құлқын дәріптеу.
Сайыс барысында мешіт шәкірттері пайғамбар (с.ғ.с) өмірбаяны бойынша қойылған сұрақтарға тез әрі мүдірместен жауап беру арқылы тиісті ұпай жинап, өзгелерден озық шығу мақсат тұтылды.
Уақыт жылдамдығы мен дұрыс жауаптар нәтижесі бойынша үздік шыққан жеңімпаздар жүлделі орындарға ие болып, арнайы сый-сияпаттармен марапатталды.
Аталған сира жарысына 20 шәкірт қатысып, өз білімдерін ортаға салды.
Сайыс соңында жамағат тарапынан ұйымдастырушыларға алғыс білдірді.
Ақтөбе облыстық орталық
«Нұр Ғасыр» мешітінің баспасөз қызметі
