«Алланың сүйікті құлдары» тақырыбында насихат айтылды

Шалқар аудандық «Матай Қоқанұлы» мешіті «Ихсан және насихат» бағыты аясында уағыз-насихат ұйымдастырып, мешіт жамағаты берекелі дастархан басында басқосты. 

Игі шарада Шалқар аудандық «Матай Қоқанұлы» мешітінің наиб имамы Ерлан Наурызбаев «Алланың сүйікті құлдары» тақырыбында жиналған жамағатқа насихат айтты.

Сондай-ақ имам Ерлан Наурызбаев Алланың сүйікті құлдарының бойынан табылатын сипаттарды баяндап, ғибрат аларлық оқиғалармен тақырып аясын аша түсті.

Жамағаттың бірлігі мен ауызбіршілігін нығайту мақсатында өткен рухани отырыс соңында жамағат көкейлерінде жүрген сұрақтарын қойып, тұщымды жауаптар алды.

Ақтөбе облыстық орталық 

«Нұр Ғасыр» мешітінің баспасөз қызметі