Ақтөбе: Құрбан айт мерекесін насихаттауға арналған шара ұйымдастырылды
Ақтөбе қалалық орталық мешіті жанындағы Әйел-қыздар орталығында Құрбан айт мерекесін насихаттау мақсатында жамағатқа арналған іс-шара өтті.
Игі шара қасиетті Құран Кәріммен басталып, түрлі викториналық сұрақ-жауаптардан тұратын ойынмен жалғасын тапты. Ал ойын барысында белсенді қатысушыларға арнайы сыйлықтар табыс етілді.
Сонымен қатар бүлдіршіндерге тәттілер таратылып, арнайы мерекелік дастархан жайылды.
Іс-шара қортындысында ақ жаулықты әжелер «Құрбан айт мерекесі үлкен мен кішіге қуаныш сыйлайтын ұлық мейрам. Қазіргі қоғамда бауырмалдықты, мейірімділікті насихаттайтын мерекені бүлдіршін, балаларымызға көбірек насихаттағанымыз жөн»,- деп ақ тілегін айтып, бата берді.
Айта кетсек, ұлық мерекенің бірін ұлықтауға арналған шараға 60-қа жуық әйел жамағаты қатысты.
Ақтөбе облыстық орталық
«Нұр Ғасыр» мешітінің баспасөз қызметі
