Шалқар: Мешіт жамағаты басқосты

Шалқар аудандық «Матай Қоқанұлы» мешіті «Ихсан және насихат» бағыты аясында уағыз-насихат ұйымдастырып, мешіт жамағаты берекелі дастархан басында басқосты. 

Игі шарада Шалқар қалалық «Жанаман ахун Сейітімұлы» мешітінің наиб имамы Жамбыл Тлеубай «Өлімнен кейінгі өмір» тақырыбында жиналған жамағатқа насихат айтты.

Сондай-ақ наиб имам Жамбыл Тлеубай өлім сәтіндегі иман мен тәубе, қабір ұғымы, оның маңызына тоқталып, ғибрат аларлық оқиғалармен тақырып аясын аша түсті.

Жамағаттың бірлігі мен ауызбіршілігін нығайту мақсатында өткен рухани отырыс соңында қатысушыларға бірнеше ой сергітер сұрақтар қойылды.

Ақтөбе облыстық орталық 

«Нұр Ғасыр» мешітінің баспасөз қызметі