«Құран түскен құтты ай» атты шара ұйымдастырылды
Қасиетті Рамазан айының құрметіне орай Ақтөбе қалалық орталық мешітінің жанындағы әйелдер орталығында «Құран түскен құтты ай» атты іс-шара өтті.
Шараның мақсаты – Алланың кәләмін осы бір қадірлі айда мейлінше көбірек оқып, жамағатпен хатым ету үшін ұлы кітаптың мәнін одан әрі терең ұғыну.
Іс-шара Ақтөбе қалалық орталық мешітінің ұстазы Зейнеп Мұсақызының «Рамазан айының қадірі» тақырыбындағы уағыз-насихатымен басталды.
Насихат барысында ұстаз «Қасиетті айдың соңғы он күндігінде амалдарды арттырып, келесі Рамазанға аман-есен жетуге дұға етейік. Бір айы бойы берілген мүмкіндікте тәмамдалуда, ендеше әр сәтімізді сауапқа айналдыруға күш салайық»,-деп айтты.
Одан өзге іс-шара шәкірттер тарапынан ұйымдастырылған қызықты ойындар және сұрақ-жауаптармен жалғасты.
Ізгі шарада кеш қонақтарына «Рамазан қоржыны» сыйға тартылып, ақ жаулықты аналар барша жамағатқа дұға жасады.
Айта кетсек, 70-ке жуық адам қатысып, рухани кештің куәсі болды.
Ақтөбе облыстық орталық
«Нұр Ғасыр» мешітінің баспасөз қызметі
