ОМАН СҰЛТАНДЫҒЫМЕН ОРТАҚ ІСТЕР ЖҮЗЕГЕ АСАДЫ
16 қыркүйек 2022
134
Оқу 1 минут
Елордада Қазақстан мұсылмандары діни басқармасының төрағасы Наурызбай қажы Тағанұлы Оман Сұлтандығы Бас мүфти кеңсесінің Бас хатшысы Ахмед бен Сауд ас-Сиябимен кездесті.
Кездесуде Әлемдік және дәстүрлі діндер лидерлерінің VII съезі сөз болып, бірегей жиынның маңызы айтылды.
Бас мүфти мәртебелі мейманға Діни басқарманың атқарып жатқан сауапты істері мен игі жобаларын қысқаша баяндап, мәлімет беріп өтті. Өз кезегінде Ахмед бен Сауд ас-Сияби Қазақстан мен Оман Сұлтандығы арасындағы сауда-экономикалық қатынастан бөлек, берік рухани байланыс орнағанын атап өтіп, діни салада ортақ жобаларды жүзеге асыруға мүдделі екенін жеткізді.
