Имамдар мен жамағат футболда бас қосты

Шалқар аудандық «Матай Қоқанұлы» және қалалық «Жанаман ахун Сейітімұлы» мешітінің ұйымдастыруымен дін қызметкерлері мен жамағат арасында шағын футболдан турнир өтті.

Жыл сайын дәстүрлі түрде өткізіп тұратын жолдастық турнирдің мақсаты – дін қызметкерлері мен мешіт жамағатының арасында бірлік пен бауырмалдықты арттыру, сол арқылы ел мен жерге қызмет ету. Сондай-ақ қоғамға және дін қызметкерлері арасында салауатты өмір салтын ұстануды насихаттау.

Қызықты әрі тартысты өткен ойын нәтижесі бойынша жүлделі I - орынды «Жәннаттағы құрдастар» командасы жеңіп алса, «Имамдар» командасы II - орын, «Сафа» командасы III - орынды еншіледі. Сондай-ақ, жеңімпаздарға арнайы алғыс хаттар табыс етілді.