Бегімбет: «Әке – отбасының тірегі» атты шара ұйымдастырылды
Шалқар ауданы, Бегімбет ауылдық мешіті мен «Мәдениет үйінің» ұйымдастыруымен Әкелер күніне орай «Әке – отбасының тірегі» атты іс-шара өтті.
Іс-шара барысында Бегімбет ауылдық мешітінің имамы Нұрдәулет Әуезов «Әкенің отбасындағы рөлі мен жауапкершілігі» тақырыбында айтып, жиналған қауымға Исламдағы әкенің орны туралы баяндады.
«Әке – отбасының тірегі әрі тәрбие мектебінің негізі. Ислам дінінде әкеге құрмет көрсету – үлкен сауапты амалдардың бірі. Қасиетті Құранда және Пайғамбарымыздың (Алланың оған игілігі мен сәлемі болсын) хадистерінде әке рөліне айрықша мән берілген», – деді имам.
Шараға ауыл тұрғындары белсенді түрде қатысып, өз ризашылықтарын білдірді.
Аталған іс-шара қоғамда отбасы құндылықтарын дәріптеуге, соның ішінде әкенің қадір-қасиетін арттыруға бағытталған игі қадам болды.
Ақтөбе облыстық орталық
«Нұр Ғасыр» мешітіің баспасөз қызметі
