«Бақытжан» мешітінде Құраннан іріктеу сайысы өтті
Ақтөбе қаласындағы «Бақытжан» мешітінде мешіт шәкірттері арасында Қасиетті Құранның 30-шы парасынан іріктеу кезеңі өтті.
Сайыстың мақсаты – Құранға деген махаббатты арттыру, қатесіз, таза жаттауға, нақышына келтіріп оқуға машықтандыру болса әрі Ақтөбе қалалық мешіт әйел жамағаты арасында өтетін Қалалық Құран жарысына «кіл жүйрік те, кім жүйрік?»деп қатысушыларды іріктеу.
Додаға «Бақытжан» мешітінің 21 шәкірті қатысты. Олар «Шәмс- Нәс» аралығынан 11 шәкірт бағын сынаса, «Нәбә-Нәс» сүрелері аралығынан 10 шәкірт сынға түсті.
Шара мешіттің ұстазы Еламан Кәрім Құран жаттаудың маңызы мен артықшылықтары туралы айтудан басталды.
Сонымен қатар Ақтөбе облысы бойынша «Әйел-қыздар» секторының жетекшісі Кенжегүл Қушқарова алдағы болатын сынға әзірлікті әзірден бастап пысықтау, жарыс кезіндегі тәуекел мен сабырлылық, Құран оқудағы байыптылық пен сапалық туралы біршама ақыл-кеңестерін айтып өтті.
Шәкірттер жарысқа жақсы дайындалған. Берілген тапсырмаларды әр шәкірт шама-шарқынша орындап, ұстаздар тарапынан қойылған сұрақтарға жауап беріп, сүрелерді жалғастырып әкетіп отырды.
Мешіт ұстаздары Еламан Кәрім мен Анар Қойшығұлова сайыс жеңімпаздарына, сектор жетекшісі Кенжегүл Қушқарова іріктеу кезеңіне қатысқан барлық шәкірттерге алғыс хаттар табыстап, Құран және Құран қоятын үстелдерді сыйға тарту етті.
Мешіттің белсенді шәкірті әрі осы Құран жарысының жүргізушісі Айжан Аманғосова «Құран туралы сұрақтар» дайындап әкеліп, шәкірттер Құран туралы ілімдерін ортаға салды.
Шара қортындысында қатысушыларға алғысын білдірді.
Ақтөбе облыстық орталық
«Нұр Ғасыр» мешітінің баспасөз қызмет
